អាវុធហត្ថរាជធានីភ្នំពេញ បង្ក្រាបបានក្មេងទំនើងចំនួន០៦នាក់ពាក់ព័ន្ធនឹងករណីហិង្សាដោយចេតនា
March 9, 2026
កាលពីថ្ងៃទី០៦ ខែមីនា ឆ្នាំ២០២៦ វេលាម៉ោង៨ និង៣០នាទីយប់ មានករណីហឹង្សាបង្កឡើងដោយក្មេងទំនើងមួយក្រុមមានគ្នា៩នាក់ មធ្យាបាយមានម៉ូតូ៤គ្រឿង បានធ្វើសកម្មភាពយកដុំថ្មគប់ទៅលើជនរងគ្រោះបណ្តាលឱ្យរងរបួសចំកែងដៃខាងឆ្វេង នៅចំណុចហាងកាហ្វយីហា ស្លកាហ្វេ តាមបណ្តោយផ្លូវលេខ៦០៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ទន្ទឹមនឹងនោះក៏ត្រូវបានកម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌទួលគោកដែលកំពុងល្បាតនៅទីនោះ បានចុះមកអន្តរាគមន៍ នឹងចាប់ខ្លួនជនសង្ស័យជាក្មេងទំនើងបានម្នាក់ឈ្មោះ ថាន់ ចិន្តាឧត្តម ភេទប្រុស អាយុ១៦ឆ្នាំ បញ្ជូនទៅការិយាល័យព្រហ្មទណ្ឌ នៃកងរាជអាវុធហត្ថរាជធានីភ្នំពេញ ដើម្បីចាត់ការបន្តតាមនីតិវិធី។
លុះដល់ថ្ងៃទី៧ ខែមីនា ឆ្នាំ២០២៦ កម្លាំងជំនាញនៃកងរាជអាវុធហត្ថរាជធានីភ្នំពេញបន្តសហការជាមួយកម្លាំងមូលដ្ឋានអាវុធហត្ថខណ្ឌទួលគោក ធ្វើការចាប់ខ្លួនបានចំនួន៥នាក់បន្ថែមទៀតរួមមាន ១-ឈ្មោះ ផល លីហួ ភេទប្រុស អាយុ១៧ឆ្នាំ ២-ឈ្មោះ ថន រ័ត្នរិទ្ធិយ៉ា ភេទប្រុស អាយុ១៧ឆ្នាំ ៣-ឈ្មោះ បូ កែវវាសនា ភេទប្រុស អាយុ១៩ឆ្នាំ ៤-ឈ្មោះ នី វិសាល ភេទប្រុស អាយុ១៩ឆ្នាំ ជនជាតិខ្មែរ មុខរបរសិស្ស ស្រុកកំណើតនៅខេត្តកំពង់ចាម ទីលំនៅបច្ចុប្បន្នសង្កាត់បឹងកក់១ ខណ្ឌទួលគោក រាជធានីភ្នំពេញ និងទី៥-ឈ្មោះ ចាប ថៃ ភេទប្រុស អាយុ១៨ឆ្នាំ បញ្ជូនទៅការិយាល័យជំនាញនៃកងរាជអាវុធហត្ថរាជធានីភ្នំពេញ ដើម្បីចាត់វិធានការបន្តតាមនីតិវិធី។
ក្រោមវិធានការជំនាញក្មេងទំនើងទាំង៦នាក់ បានសារភាពឱ្យដឹងដូចៗគ្នាថា ពួកខ្លួនពិតជាបានប្រព្រឹត្តិអំពើហិង្សាដូចការរៀបរាប់ខាងលើប្រាកដមែន។
ក្មេងទំនើងទាំង៦នាក់ ត្រូវបានកម្លាំងជំនាញការិយាល័យព្រហ្មទណ្ឌនៃកងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការដើម្បីចាត់វិធានការតាមនីតិវិធីច្បាប់។ ចំណែកឯបក្ខពួកដលមានពាក់ព័ន្ធក្នុងអំពើហិង្សាខាងលើផ្សេងទៀតកំពង់រត់គេចខ្លួន សមត្ថកិច្ចជំនាញអាវុធហត្ថរាជធានីភ្នំពេញកំពង់ស្រាវជ្រាវឃាត់បន្ត៕
