ក្រោយអភិបាលស្រុក ថាឡាបរិវ៉ាត់ ខេត្តស្ទឹងត្រែង លោក សាយ កុសល ស្នើសុំបញ្ចប់អាជីវកម្មទូកង ជាបន្ទាន់ ដើម្បីការពារធនធានធម្មជាតិ និងសុវត្ថិភាពសាធារណៈ បញ្ចៀសនូវការរិះគន់ ព្រៃឈើអស់ ព្រោះធ្វើទូកង ថាចង់បិទអាជីវកម្មទូកងក្នុងស្រុករបស់ខ្លួន ដើម្បីការពារព្រៃឈើ លោក តាន់ គីមសួរ បញ្ចេញមតិថា៖ កុំដល់ថ្នាក់ហ្នឹងពេកអី នេះគឺជាទំនៀមទម្លាប់ប្រពៃណីសល់ពីដូនតារបស់យើងយូរលង់មកហើយ គ្រាន់តែឱ្យពួកគាត់មានការស្នើសុំឱ្យបានត្រឹមត្រូវទៅបានហើយ។ អ្វីដែលត្រូវរឹតបន្តឹងជាចំបងនោះគឺការឈូសដីព្រៃធ្វើជាកម្មសិទ្ធ និងការជួញដូរខុសច្បាប់ (នេះសុទ្ធសឹងតែជាសកម្មភាពប៉ះពាល់ធ្ងន់ធ្ងរដល់ប្រយោជន៍ជាតិ)៕